من هو المصري ؟؟

موضوع: من هو المصري ؟؟ الأحد مارس 29, 2009 6:06 pm

المصـري هـوّ اللـي
المصري هو اللي لو عمل حاجة حلوة يبعت لجاره طبق يدوقه
وهو اللي لو لقى الدنيا بتشتّي يجري يخبّط عليك يقولك لمّ الغسيل
وهو اللي لو شم عندك حاجة بتتحرق يجري يطمن عليك لا تكون اتخنقت
وهو اللي لو سمع صوت زعيق وخناق عندك يجي يصلح
وهو اللي لو لقى خناقة في الشارع يقف يحوش مش بس يتفرّج
وهو اللي لو لقى حد بيغرق يجري ينط في الميه حتى لو هيغرق معاه
وهو اللي لو اتفرط منك كيس الجوافة في الشارع يقف يلمّ معاك
المصري هو اللي لو حس انك مزنوق يعملك جمعية مخصوص و يقبّضك الأول
و هو اللي يقف معاك في الأحزان و الأفراح زي مايكون من بقية اهلك
و هو اللي يلمّلك من الركاب فلوس لو مرتبك اتسرق منك في الأتوبيس رغم انه مايعرفكش
و هو اللي لو لقاك في مواصلة و كان عارفك يحلف ميت يمين ليدفعلك الأجرة حتى لو مافيش في جيبه غير نص جنيه
المصري هو اللي يقعد معاك ع الفطار في رمضان
المصري اللي يشتري بالونات لولادك في العيد
المصري اللي يقف جنبك وانت بتدبح الاضحية
المصري اللي يباركلك لما ابنك يجيب مجموع ويساعدك يجيبله شغلانة
المصري اللي ييجي يقولك تجيب كشاكيل و أقلام بالجملة عشان توفر المصاريف
طيبة المصري مش ممكن تلاقي زيّها فى اي بلد تانية

صح يا جماعة ؟؟ههههههههه
عايزة ردك بكل صرااحة .. flower

أيوة كده ارفعي راسنا الموضوع أكثر من رائع

ميرسي أوي يا نبض مصر

متميزة كما عهدناكي

هههههههههههههههههههههههههههههه
تسلمي

ههههههههههه
ها إيه رأيك يا أسيرة .. الكلام صح 100 % ..هههههههه
ومرسي ليكوو يا قمرات ع المرور